Ginpakamalaot sang Japan ang Estados Unidos bangud sa paghatag sini sang sanctions batok sa mga opisyal sang International Criminal Court ukon ICC lakip na ang nagapamuno sa korte nga si Tomoko Akane.
Gintawag sang Japanese Foreign Ministry nga ”very unfortunate” ang ini nga tikang sang Washington.
Suno sa Japan, padayon sini nga ginasuportahan ang ICC sa pagtinguha sini nga pasabton ang mga responsable sa mga nagbuhat sang mabug-at nga krimen, lakip na ang war crimes, genocide kag crimes against humanity.
Nahibaluan nga sa idalom sang sanctions, pwede nga ma-freeze ang mga asset sang mga target sa Estados Unidos kag malimitahan sang ila nga access sa U.S financial system.
Ginkondena man sang ICC ang ini nga tikang, kag nagpahayag nga isa ka pag-atake sa kahilwayan sang korte.
Bangud sa sanctions, naglab-ot na sa 13 ka empleyado sang ICC ang gindagdagan sang U.S sanctions, dala na ang siyam sa 18 judges sang korte.
