Patay ang punong barangay sang Tres de Mayo, Digos City matapos gintiro samtang naka-live stream sa Facebook.
Ang biktima amo si Oscar Bucol Jr.
Nakuhaan sang iya facebook live ang insidente sang pagpangluthang.
Sa video, makit-an ang kapitan nga nagapungko malapit sa gate sang iya nga balay.
May isa ka lalaki nga nagsulod sa gate sang balay sang opisyal agud magturn-over sang nakit-an nga wallet.
Samtang nagapanawagan ini sa tag-iya sang wallet, hinali lang nga may naglupok nga pusil kag naigo ang opisyal.
Mabatian pa ang pagpangayo sini sang tabang.
Gindala pa ini sa ospital apang wala na natabangan pa.
Padayon pa ang imbestigasyon agud matumod ang responsable sa krimen.
