Posible gid nga magapangatubang sang administrative case ang kapitan sang nasunog nga MV June Aster sa Coron, Palawan.
Sa interview sang Bombo Radyo kay MARINA Regional Office 4 Director Atty. Maximo Bañares Jr., iya ginkumpirma nga isa sa 43 ka mga survivors sang sunog amo ang kapitan sang nasambit nga barko, apang wala pa ini nagapakita sa mga awtoridad.
Suno sa iya, padayun ini nga ginapangita agud makuhaan sang detalye kag maimbestiagaran may kaangtanan sa insidente nga nagkuha gid sang kabuhi sang mga pasahero.
Pahayag ni Bañares, sa tion nga mapamatud-an nga may ginlapas ang kapitan nga Maritime safety regulations ukon iba pa nga mga patakaran, kinahanglan gid sini nga atubangon ang mga reklamo batok sa iya.
Sa subong, yara na sa 76 ka mga bangkay ang narecover sang Philippine Coast Guard sa nasunog nga barko, apang padayun pa nga ginapangita ang nabilin nga 13 ka missing.
