Nanindugan ang aktres nga si Karla Estrada nga bunga sang paghigugma ang pag-angkon niya sang apat ka kabataan nga lain-lain ang mga amay.
Suno sa iya, tinuig man ang pag-updanay nila sang kada isa sa nangin karelasyon niya nga nagtapos gihapon sa pagbulagay.
Pahayag ni Karla nga apisar gusto man niya nga isa lang ang iya partner, wala siya sang sarang mahimo kun indi na gid man maayo ang dalagan sang kada lalaki nga iya nakarelasyon sang una nga nangin mga amay sang iya anak.
Dugang niya, sa mga nangin amay sang iya mga anak, indi magnubo sa tatlo ka tuig ang ila relasyon gani masiling niya nga bunga gid sang paghigugma ang iya kabataan.
