Apisar magapasaka sang kaso ang bana ni Vice President Sara Duterte batok sa House Justice Committee kag pila ka ahensya sang gobyerno, wala man sini ginpanginwala ang findings sang Anti-Money Laundering Council (AMLC) kaangot sa ₱6.7 billion nga covered and suspicious transactions sa ila nga bank accounts.
Ini ang sabat ni House Committee on public accounts chairperson kag Bicol Saro party-list Rep. Terry L. Ridon matapos gin-anunsyo sang mga abogado ni Atty. Manases Carpio nga magapasaka siya sang kaso-kriminal subong nga adlaw batok kanday Bangko Sentral ng Pilipinas (BSP) Governor Eli Remolona Jr. kag Anti-Money Laundering Council (AMLC) Executive Director Ronel Buenaventura, kag pila ka mga kongresista.
Suno kay Ridon, sa pagkamatuod, ang kaso nga i-file ni Carpio subong nga adlaw batok sa pila ka kongresista kag mga ahensya nga involved sa pagbuyagyag sang iregularidad ang mas nagdugang lang agud mangin klaro ang amo nga findings.
Suno pa kay Ridon nga isa man ka abogado kag myembro sang House Justice Commitee, wala man sang mahimo ang kaso nga i-file ni Carpio agud nga i-discredit ukon ibasura ang isa sa nagapanguna nga mga isyu sa Committee.
Ini nga isyu nagalibot sa kun bala ang financial activity ni Carpio kag sang iya asawa nga si Vice President Sara Duterte ang naga-constitute bala sang unexplained wealth kag betrayal of public trust.
Nagpahayag man si Ridon nga nagtutok si Carpio sa ginaalegar sini nga illegal nga pagbulgar sang record sa baylo nga i-panginwala kun ano ang findings — nga nagapakita suno sa iya nga naga-ako ini nga naga-exist ang amo nga mga transaksyon kag rekord.
“Nowhere in the complaint is there a categorical denial of the existence, accuracy, or magnitude of the financial records presented. It does not dispute the billions in transactions, the movements across accounts, or the overall volume of financial activity,” suno kay Ridon.
Nahibaluan nga sa hearing sang House Justice Committee sang nagligad nga Myerkules, ginsapubliko sang AMLC nga may kabug-usan nga ₱6.77 billion nga covered and suspicious transactions halin sa accounts sang vice president kag sang iya bana sang 2006 tubtub sang 2025.
Gina-insister man ni Ridon nga wala sang legal nga basehan kun magakaso na si Carpio bangud ang disclosure sang AMLC ang ginhimo sa proper and valid forum nga amo ang impeachment hearings.
Ginpanindugan sini nga may gahum ang Kamara nga mag-subpoena sang financial records kag iban pa nga documents bilang pagsunod sa ila nga constitutional duty para nga mapasabat ang dapat nga manabat.
WALA SANG GINLAPAS NGA LAYI
Nagsabat naman si Rep. Leila De Lima nga isa man sa kasuhan ni Carpio nga wala naglapas sa layi ang proceedings sang House Justice Committee.
Suno kay De Lima, ang impeachment hearings ang indi covered sang Secrecy of Bank Deposits Law kag ang officers kag employees sang bangko kag banking institutions lamang ang barred sa disclosure.
“The fact that evidence of ill-gotten wealth was exposed in the course of the impeachment proceedings does not make such exposure criminal. It is a direct consequence of impeachment as an accountability mechanism,” suno pa sa kongresista.
Sa bahin naman ni Rep. Perci Cendaña nga isa pa gid sa kasuhan ni Carpio, nagsiling ini nga exception ang impeachment hearings sa coverage sang Bank Secrecy Law kag Anti-Money Laundering Act.
Suno pa sa kongresista, malikawan gid ni Sara kag sang iya supporters nga uyangan ang ila tyempo kag papel paagi sa pagtambong sa hearing sa Abril 29 kun sa diin may oportunidad pa sila nga magsabat sa isyu.
“May free will at maraming pera naman sila para magfile ng kaso, pero ang tanong ay may nilabag bang batas ang mga miyembro ng CoJ at AMLC? Wala,” dugang ni Cendaña.
