Nagapati ang human rights lawyer nga dako ang impact sa international community sang natalana nga pag-atubang ni former President Rodrigo Duterte sa International Criminal Court (ICC).
Ini para sa confirmation hearing sang iya murder charges sa masunod nga bulan.
Sa interview sang Bombo Radyo kay Atty. Gilbert Andres, iya ginpahayag nga ang kaso ni Duterte ang makapamatuod nga patas ang ICC kag wala lamang ini nagasentro sa isa ka kontinente.
Suno sa iya, ini bangud sa masami, sa mga pungsod sa Africa nagahalin ang ginapasakaan sang kaso sa ICC apang subong, naghalin sa Asya ang may yara sang kaso.
Pahayag niya, magapakita man ini nga wala sang ginapili ang ICC pag-abot sa isyu sang human rights kag rule of law.
Si Andres ang isa sa common legal representatives nga para sa tanan nga biktima sang drug war sa Pilipinas sa kaso ni Duterte sa ICC.
Siya man ang executive director sang CenterLaw Philippines.
Nahibaluan nga magluwas kay Andres, gin-designate man si Atty. Joel Butuyan bilang abogado sang drug war victims.
Ang duha ang napilian bangud man sa ila eligibility nga wala sang record sang “inappropriate conduct” kag wala man sang conflict of interest sa kaso case.
Ang confirmation of charges hearing batok kay Duterte natalana sa Pebrero 23 kag magalawig tubtob Pebrero 27.
