ILOILO CITY-Nadakpan na ang suspek sa pagpangawat sa isa ka spa nga nahamtang sa Gen. Luna St., Barangay Danao, Iloilo City Proper.
Ang arestado amo si Joed Aguirre, 33, residente sang Tanza Timawa Zone 2.
Matandaan nga fintaban sang suspek ang P115,000 nga cash, cellphone kag relo sang ginsulod sini ang spa paagi sa pagbukas sa bintana sa ikaduha nga panalgan.
Sa interview sang Bombo Radyo kay PMajor Shella Mae Sangrines, hepe sang Police Station 1, iya ginpahayag nga sa ila ginpatigayon nga hot pursuit operation, ila nadakpan ang suspek sa ila mismo balay.
Suno kay Sangrines, dako ang nabulig sang CCTV footage sa madasig nga pag-identify kag paglocate sa suspek nga may mga record na man sang pagpangawat.
Apang suno sa hepe,sa P115,000 nga gintaban ni Aguirre, P8,000 nalang ang narekober.
Ginpahayag ni Sangrines nga base sa pahayag ni Aguirre, ang P107,000 ang napierde niya sa online bulang.
