Ginsuspinde ang klase sa pila ka mga eskwelahan sa Miagao, Iloilo bangud sa engkwentro sang rebelde kag militar sa Barangay Igsoligue sa amo nga banwa kahapon sang hapon.
Base sa anunsyo sang local government unit, yari ang mga eskwelahan nga wala sang klase:
1.Dalije Elementary School
2.Alimodias Elementary School
3. Bacolod National High School
4. kag Bacolod Elementary School
Una na nga ginkumpirma ni Brigadier General Michael Samson, commander sang 301st Infantry “Bayanihan” Brigade, nga ang na-engkwentro sang 61st Infantry Batallion sa amo nga barangay amo man ang nabilin nga grupo sang Southern Komiteng Rehiyon Panay sa engkwentro nga nagluntad sa Barangay Torocadan kag Barangay Roma, San Joaquin sang hingapusan sang bulan sang Pebrero.
Ginahibalo pa kun may mga napilasan sa amo nga engkwentro.#
