ILOILO – Tagaan sang atensyon sang Local Economic Enterprise Office sang Iloilo City Government ang operasyon sang mga talipapa agud mapasigurado ang katinlo sang mga karne kag iban pa nga ila ginabaligya
Sa interview sang Bombo Radyo kay Mr Ariel Castañeda, pinuno sang Local Economic Enterprise Office iya ginpahayag nga apisar indi na sakop sang ila katungdanan ang pag tsekyar sa operasyon sa mga talipapa, nagpasalig ang natungdan nga siguraduhon nila nga mahatagan sang solusyon ang kompetisyon sa tunga sang mga vendors sa sulod sang merkado kag sa mga talipapa.
Suno kay Castañeda, ginaplano man nila nga dugangan ang ila mga meat inspector sa Iloilo Slaughter House agud mas madasig kag malapad ang mangin sakop nila sa pagtsekyar nga hilway ang mga baboy sa African Swine Fever.
