AUSTRALIA- Gindumilian sang Korte sang Australia ang pagpatigayun sang Black Lives Matter Protest, bangud sa pamahog sang coronavirus disease 2019.
Ang nasambit nga mando ang ginhingyo mismo sang katapo sang New South Wales Police.
Ini matapos ginalauman nga linibo ka mga tawo ang magatambong sa hublag protesta nga patigayunon sa weekend, bilang pagpakamala-ot sa racial discrimination sa Estados Unidos.
Suno kay Justice Desmond Fagan, madamo ang nagahimo sang pamaagi agud pakigbatu-an ang sakit, kag bangud sini, indi dapat pagtugutan nga magsaka ang kaso sang mga infected sang virus.
Samtang, ginpasiguro naman sang organizer nga padayunon nila sa gihapon ang pagpatigayun sang hublag protesta.
Nahibaluan nga nagdanagat sa masobra 7,200 ang kaso sang COVID-19 sa amo nga pungsod, kag sadtong bulan sang Abril, halos wala sang narekord nga panibag-o nga kaso sang virus sa Australia.
