Duha ka adlaw na lang, Valentine’s Day na! Nagalibog bala ang imo nga ulo kun ano ang imo nga iregalo sa imo kahagugma ukon special someone?
Ari kay buligan ka sang resulta sang national survey nga ginpatigayon sang Social Weather Stations (SWS) kag ginsapubliko kahapon nga adlaw, Pebrero 11.
Ini nga survey ang ginhimo face-to-face sa 1,200 ka mga adults nationwide: tag-300 sa Metro Manila, Balance Luzon (ukon Luzon sa guwa sang Metro Manila), Visayas, kag Mindanao.
Ari ang pamangkot sa amo nga survey: “What gift do you want to receive from your loved one this coming Valentine’s Day?”
Nagapanguna nga sabat amo ang kuwarta!
Huo, cash ang kinahanglan sang kadam-an nga na-reflect man sa 16% sa sini nga survey!
Yari ang iban pa nga sabat:
Love and companionship: 11%
Flowers: 10%
Bayo: 9%
Bisan ano nga gift basta halin sa heart: 5%
Mobile phone: 5%
Watch and jewelry: 5%
Good family relationship: 5%
Food and grocery items: 3%
Chocolates: 3%
Sa sini man nga survey, nahibaluan nga 58% sang mga Pinoy ang “very happy” sa ila nga love life.
Ini man suno sa SWS ang pinakamataas nga percentage halin sang na-record ang 59% sang nagligad nga 2011.
Ang survey ang may yara sang sampling error margin nga 2.8% para sa national percentages.#
