Nagnubo sa sulod sang tatlo ka bulan ang kwarta nga ginapadala sang mga overseas Filipino worker ukon OFW sa Pilipinas sadtong Agosto base sa datos sang Bangko Sentral ng Pilipinas ukon BSP.
Suno sa BSP, nagsaka sang 1.9% sa 3.03 billion dollars ang cash remittances sadtong Agosto kumpara sa kaangay nga bulan sang nagligad nga tuig.
Naglab-ot naman sa 23.42 billion dollars ang kabilugan nga remittances halin sang Enero tubtob Agosto, mas mataas sang 2.2% kumpara sadtong nagligad nga tuig.
Lakip sa mga nakaapekto sa pagpadala sang kwarta ang pagtaas sang mga galastuhon sa mga pungsod nga ginatrabahuan sang mga OFW kag mga geopolitical tension lakip na diri ang nagapadayon nga gyera sa Middle East.
Samtang, ginalauman sang BSP nga magalab-ot sa 36.6 billion dollars ang remittances sa pagtapos sang 2026 katumbas sang 2.7% nga pag-uswag sini.
