ILOILO CITY – May yara sang patigayunon nga “Lakbay Alalay” ang Department of Public Works and Highways (DPWH) sa syudad sang Iloilo sa masunod nga semana.
Ini ang may kaangtanan sa Semana Santa.
Sa interview sang Bombo Radyo kay City Engr. Rodney Gustilo, iya ginpahayag nga maga-umpisa ang lakbay alalay sa Abril 17 tubtob Abril 22.
Suno kay Gustilo, katuyuan sang nsambit nga programa amo ang mabuligan ang mga pasahero nga nagapauli sa ila tagsa ka probinsya amo man ang mga nagapadulong sa syudad sang Iloilo.
Ang lakbay assistance center ang iga-pahamtang sa tagsa ka mga terminal sa syudad lakip na ang Tagbak Terminal, Mohon Terminal kag Ungka Terminal nga magaserbe 24/7 sa mga tawo.
Apang magluwas sa DPWH, yara man ang Philippine National Police kag iban pa nga mga government agencies ang naka stand-by sa area.
Nahibaluan nga sa tagsa ka lakbay assistance center, may yara sang lima ka mga personnel kada shift.
