Isa ka 31-anyos nga abogado sa Bangalore, India ang nagdaug sa iya nga demanda batok sa isa ka dako nga movie theater chain matapos mauyang ang iya nga oras sa paglantaw sang mga pasayod bag-o ang mismo nga pelikula.
Suno kay Abhishek M R, sang nagkadto siya sa sinehan, ginlauman niya ga magsugod ang pelikula sa husto nga oras base sa schedule.
Apang nagbag-o ang dalagan sang gab-i sang mabayluhan ang ginalauman nga pagsugod sang pelikula sang halos 30 minutos nga mga pasayod.
Bangud diri, natapos ang pelikula sang isa ka oras nga late sa orihinal nga schedule, rason nga napaiway niya ang isa ka importante nga tawag sa trabaho.
Suno kay Abhishek, isa ini ka halimbawa sang “unfair trade practice” kag gindeklarar nga nauyang lang ang iya oras kag nangin kabangdanan sang tuman nga stress.
Indi lamang basta reklamo ang iya ginpasaka bangud ginpursige niya ang kaso sa Bangalore District Consumer Disputes Redressal Commission.
Matapos ang hearing, nagpagwa sang desisyon ang korte pabor kay Abhishek.
Ginpabayad sang korte ang sinehan sang malapit 6 million pesos.
Ang kadalag-an ni Abhishek ang nagahatag sang importansya sa consumer rights sa amo nga pungsod.
