ILOILO CITY- Panumduma kun isa ka adlaw, nagbugtaw ka na lang nga ang nawong sang mga tawo sa imo palibot daw iya sang demonyo!
Makahaladlok kag makapalanindog balahibo.
Amo ina ang naeksperyensiyahan sang isa ka lalaki sa Tennessee sa Amerika nga isa ka adlaw, nagbugtaw nalang siya nga ang panulukan niya sa mga tawo sa iya palibot daw mga demonyo nga ang dulunggan, ilong, kag baba ang nagahitad kag ang panit sa nawong ang may kihad-kihad.
Ini am si Victor Sharrah, 59 anyos nga humalin sang Nobyembre 2020, nagbag-o na ang iya kabuhi.
Sang amo nga adlaw, sa iya pagbugtaw, ang panulok niya sa iya roommate, demonyo, paggwa niya sa kwarto, ang panulok niya sa iban nga upod sa ginaistaran nga apartment, puro demonyo.
Sa iya pagdumdom, nadula na siya sa iya husto nga paminsaron.
Didto na ini nagdesisyon nga magpalantaw sa doktor.
Kag siya ang na- diagnose nga may prosopometamorphopsia ukon PMO nga isa ka rare neurological disorder nga ginahimo sini ang nawong sang mga tawo nga mala-demonyo apisar normal man sila sa panulukan sang iban nga tawo.
Nahibaluan nga tubtob subong, wala pa mahibaluan sang mga siyentipiko kun ano gid ang kabangdanan sang amo nga sahi sang kondisyon.
