ILOILO CITY- Wala sa gihapon makilal- an ang lalaki nga napatay nga ginapatihan biktima sang hit and run sa Brgy. Dawis, New Lucena, Iloilo.
Sa interview sang Bombo Radyo kay PCpl Robertson Jamandron, imbestigador sang New Lucena Municipal Police Station, iya ginpahayag nga nakit-an lang sang mga pumuluyo nga nagahigda sa dalan kag duguon ang lalaki nga ginabanta 40 tubtob 50 ang edad, nagasuksok sang gray nga jogging pants kag blue nga coat.
Suno kay Jamandron, wala man sang bisan isa ka identification card ang biktima.
Sa subong, yara ang amo nga lalaki sa morgue sang Iloilo Provincial Hospital sa Pototan, Iloilo.
