ILOILO – Pilason ang isa ka lalaki matapos nabun-an sa sulod mismo sang iya nga balay sa Brgy. San Isidro, Jaro, Iloilo City.
Ang biktima ang ginkilala nga si Edison Tabaosares, 40, samtang ang suspek naman ang ginkilala nga si Reynaldo Baluan Jr., 24, lunsay sang nasambit nga lugar.
Sa interview sang Bombo Radyo kay Aida Baluan, iloy sang suspek, iya ginpahayag nga ginsulong sang biktima ang iya nga bata sa ila nga balay kag ginhangkat sang away.
Suno kay Balkuan, may dala pa nga bato ang biktima rason nga “self defense” ang natabo.
Gilayon man nga gindala sa hospital ang biktima nga nag-agom sang pilas sa nagkalain-lain nga bahin sang lawas samtang pilason naman ang suspek kag yara na sa kustodiya sang Jaro PNP.
