ILOILO CITY-Pilason ang isa ka motorista matapos makabunggo ang ginamaneho nga motorsiklo sa likod sang isa ka 10-wheeler truck sa Lanit, Jaro, Iloilo City.
Ang biktima ginkilala nga si Bryan Premidida,legal ang edad, residente sang Lanit, Jaro samtang ang driver sang truck amo si Noel Marcelino,27 anyos, residente sang Bangon-bangon, Sigma, Capiz.
Sa interview sang Bombo Radyo Iloilo kay Premidida, nagasunod siya sa truck sang hinali lang nga nagpundo ang truck rason nga nakabunggo siya sa likod sini.
Suno sa biktima, nagpalagyo pa ang truck apang ginlagas ini kag natigayon nga napadulog sang mga nakakita sa aksidente.
Ginpahayag naman sang driver sang truck nga si Marcelino, mahimo nga natumba lang si Premidida kag nagapangita lang ini sang balasulon sa iya pagka-disgrasya.
