ILOILO – Ginpanginwala ni Mayor Reynor Gonzales sang Lambunao, Iloilo nga gikan sa ila banwa ang 70 anyos nga pasyente nga isa sa tatlo ka pinakabag-o nga nagpositibo sa Coronavirus Disease (COVID-19) sa Western Visayas.
Sa interview sang Bombo Radyo kay Gonzales, iya ginpahayag nga wala pa siya sang may nabaton nga kumpirmasyon apang padayon naman ang ginapatigayon nga preventive measures.
Suno kay Gonzales, hugot man nga ginapatuman ang border checkpoints agud masigurado nga wala sang makasulod nga indi otorisado kag ang mga wala sang quarantine pass.
Ginpahayag ni Gonzales nga sa subong, may yara na sang 160 ka mga Persons Under Monitoring sa Lambunao samtang wala naman sang Person Under Investigation kag nagaserbe naman nga referal hospital ang Dr. Ricardo Y. Ladrido Memorial District Hospital.
Padayon naman nga nagakig-angot ang alkalde sa Department of Health 6 agud makumpirma kun bala gikan sa ila nga banwa ang nasambit nga pasyente.
