Wala ginpalampas ni newly-appointed Presidential Adviser for Poverty Alleviation Larry Gadon ang pagkwestyon ni opposition Senator Risa Hontiveros sa iya nga kuwalipikasyon bilang bag-o nga opisyal sang gobyerno.
Maisog sini nga ginhangkat ang senadora sa isa ka friendly debate agud nga makabayluhanay man sila sang mga ideya kag matakos ang ila nga kaalam.
Kasunod ini sang hingyo ni Hontiveros kay President Ferdinand “Bongbong” Marcos Jr. nga i-reconsider ang appointment kay Gadon nga isa ka disbarred lawyer kag wala sang titulo ukon expertise nga maka-justify sa iya nga appointment.
Sabat naman ni Gadon, dapat kuntani, ma-presidente anay si Hontiveros agud makaangkon ini sang gahum nga maka-appoint kag maka-kakas sang mga opisyal sa gobyerno. #
