ILOILO CITY – Ginakasubo sang Liga ng mga Barangay nga madamo sa gihapon ang nadakpan nga nagalapas sa curfew.
Sa interview sang Bombo Radyo kay Punong Barangay Jose Roberto Nuñez, sang Brgy. Calumpang, Molo Iloilo City kag tagapamaba sang Liga ng mga Barangay iya ginpahayag sa pihak sang istrikto nila nga pagpatuman sang mga lihok agud ma protektahan ang mga pumuluyo batok sa makamamatay nga balatian nga Coronavirus Disease 2019 madamo sa gihapon ang nagapasaway kag nagalapas sa mga pagsulundan.
Sa pihak sini, nagpasalig si Nuñez nga padayon sila sa gihapon sa pagpahangop sa mga pumuluyo may kaangtanan sa importansya sang pagsunod sa mga pagsulundan nga ginhatag sang otoridad agud malikawan nga matapikan sang COVID-19.
Kaangay nalang sang pagsuksok sang face mask sa pampubliko nga lugar kag pagsunod sang physical distancing nga hugot nga ginapatuman sang Iloilo City Government.
