ILOILO CITY – Suportado sang Liga ng mga Barangay ang plano nga pagpalawig sang Enhanced Community Quarantine sa probinsya sang Iloilo.
Sa interview sang Bombo Radyo kay Dorothy Paes, presidente sang Liga ng mga Barangay iya ginpahayag nga sa pihak sang pagsuporta nila sa pagpalawig sang Enhanced Community Quarantine sa probinsya agud mas makontrol ang Coronavirus Disease 2019 nagapati sila nga nagakadapat nga hatagan sang exemptions ang mga empleyado.
Suno kay Panes, nagakadapat man ang limitahan ang work force sa mga establisyemento bangud indi pa makasigurado nga wala na sang kaso sang nasambit nga balatian sa probinsya ilabi pa nga nagadamo man ang kaso sang mga asymptomatic patients.
Sa subong, ginahulat pa nila ang pinal nga desisyon ni Iloilo Governor Arthur Defensor Jr., kun bala palawigon pa ang Enhanced Community Quarantine.
Magapatigayon man sila sang pagsinapol agud makuha ang mga rekomendasyon kag suhestiyon sang mga punong barangay sa probinsya.
