Magaupod ang football superstar nga si Lionel Messi agud depensahan ang kampyonato sang Argentina sa World Cup 2026.
Nalakip ang pangalan sang 38-anyos nga forward sa 26-man squad nga gin-release ni Coach Lionel Scaloni.
Si Messi nga walo ka beses na nga nagdaog sang prestihiyoso nga Ballon d’Or amo ang ang nagpanguna sa iya team agud makuha ang titulo paagi sa penalty shootout batok sa France apat ka tuig na ang nakaligad sa Qatar.
Ini na ang ika-anum nga World Cup nga yara si Messi — pareho sa record nga gina-uyatan ni Cristiano Ronaldo, 41-anyos, sang Portugal.
Matandaan nga sang nagligad nga semana, nagguwa sang temprano si Messi sa MLS game sang Inter Miami batok sa Philadelphia Union bangud sa injury.
Sunod nga ginkumpirma sang Inter Miami nga nagsuprer ang Argentine superstar sa muscle fatigue sa iya left hamstring. Magadepende pa sa iya day-to-day progress ang iya nga pagbalik sa pitch.
Sa sini nga edisyon sang World Cup, atubangon sang Argentina ang Algeria, Austria, kag Jordan sa group stage. Antes sini, may friendlies anay sila batok sa Honduras kag Iceland bilang preparasyon sa pinakadaku nga entablado sang football.
Pananglitan magdaog sila liwat subong nga tuig, makahimo sang maragtas ang Argentina bilang una nga back-to-back champions halin sang nahimo ini sang Brazil sang 1962.
Yari ang kumpleto nga World Cup squad sang Argentina subong nga tuig:
Goalkeepers: Juan Musso (Atletico Madrid), Geronimo Rulli (Marseille), Emiliano Martinez (Aston Villa).
Defenders: Leonardo Balerdi (Marseille), Nicolas Tagliafico (Lyon), Gonzalo Montiel (River Plate), Lisandro Martinez (Manchester United), Cristian Romero (Tottenham), Nicolas Otamendi (Benfica), Facundo Medina (Marseille), Nahuel Molina (Atletico Madrid).
Midfielders: Leandro Paredes (River Plate), Rodrigo de Paul (Inter Miami), Valentin Barco (Strasbourg), Giovani lo Celso (Real Betis), Ezequiel Palacios (Bayer Leverkusen), Alexis Mac Allister (Liverpool), Enzo Fernandez (Chelsea).
Forwards: Julian Alvarez (Atletico Madrid), Lionel Messi (Inter Miami), Nicolas Gonzalez (Atletico Madrid), Thiago Almada (Atletico Madrid), Giuliano Simeone (Atletico Madrid), Nico Paz (Como), Jose Manuel Lopez (Palmeiras), Lautaro Martinez (Inter Milan).
