Ginbawian gid sang kabuhi ang isa ka lola samtang duha naman ang pilason matapos mabungguan sang patrol car sang puli sa Dimiao, Bohol.
Ang napatay amo si Marcela Namuag, 80-anyos, residente sang Tangohay, Dimiao.
Ang mga pilason naman amo sanday Mary Ann Namuag, 45, kag Maximino Yecyec, 55, lunsay residente sang Taongon Cabatuan, Dimiao.
Ang nagamaneho naman sang patrol car amo si Senior Master Sergeant Bernil sang Jagna Municipal Police Station.
Sakay ang mga biktima sa motorela sang nabungguan sang patrol car.
Kaso nga Reckless Imprudence Resulting in Homicide, Multiple Physical Injuries kag Damage to Properties ang atubangon sang pulis.
