Na-monitor sang Philippine Atmospheric, Geophysical and Astronomical Services Administration (PAGASA) ang isa ka low pressure area (LPA) sa guwa sang area of responsibility sang Pilipinas nga posible makadala sang pag-ulan-ulan sa Davao Region.
Sa latest broadcast sang state weather burea, ulihi nga nakit-an ang low pressure area 575 kilometers (km) southeast sang General Santos City, apang wala ini ginalauman nga mag-develop bilang isa ka tropical cyclone.
Apisar sini, ginalauman nga mangin magal-umon sa rehiyon sang Davao nga may lapta-lapta nga pagpanalithi bangud sa trough ukon ang extension sang low pressure area.
Posible matabo ang pagbaha kag pagkatiphag sang duta sa mga lugar nga mabubuan sang ulan.
Dugang sang PAGASA, ang ridge naman sang High Pressure Area ang naga-extend sa eastern sections sang Northern kag Central Luzon.#
