Nag-resign si Baguio City Mayor Benjamin Magalong bilang special adviser sang Independent Commission for Infrastructure (ICI).
Sa iya sulat nga naka-address kay President Ferdinand “Bongbong” Marcos Jr., ginplastar sini nga ang latest nga mga pahayag sang Malacañang nahanungod sa iya nga designation ang wala nagasanto sa terms sang iya nga appointment kag suno sa iya naga-undermine sang papel kag mandato nga gintugyan sa iya.
Natabo ini nga resignation matapos ginsiling ni Palace Press Officer Undersecretary Atty. Claire Castro nga magakuha sang legal team ang presidente agud tun-an kun husto ang pag-appoint kay Magalong.
“Nadinig po din natin ang kagalang-galang na Mayor Magalong na nauubusan na yata siya or busy siya or kinukulang na ang oras niya sa Baguio City dahil busy siya sa ICI. Hindi po gugustuhin ng Pangulong Marcos Jr. na makaligtaan ni Mayor Magalong ang mga kababayan natin sa Baguio City,” suno anay kay Castro.
Pahayag pa sini, “At kailangan unahin po rin ang mga kababayan natin sa Baguio City dahil siya po ay special adviser hindi naman po niya kinakailangan na ubusin ang oras sa ICI dahil hindi po siya miyembro ng ICI.”
Sa resignation letter naman ni Magalong, may ginhinambit ini nga mga “sirkumstansya” nga nagahatag na sang duha-duha sa independence sang ICI.
“Combined with circumstances that already cast doubt on the independence of the Independent Commission for Infrastructure, it has become clear that my continued service is no longer tenable,” suno sa alkalde.
Ginklaro sini nga wala niya ginapabayaan ang iya nga responsibilidad sa mga pumuluyo sang Baguio bangud sila ang prayoridad sini sa iya nga serbisyo sa publiko.
“Let it also be stated that I have not neglected, nor will I ever neglect, my primary responsibility to the people of Baguio, whose welfare and interests remain at the core of my public service. I hereby tender my resignation from the Independent Commission for Infrastructure effective immediately,” dugang sang Baguio City mayor.
Septyembre 13 sang gin-anunsyo sang Palasyo ang designation kay Magalong bilang special adviser. Sanday former public works secretary Rogelio Singson kag certified public accountant Rossana Fajardo naman ang mga myembro sang independent fact-finding body agud imbestigaran ang mga anomaliya sa flood control projects.
Sang ulihi, ginhingadlan naman si former Supreme Court Associate Justice Andres Reyes Jr. bilang chairperson sang panel.
Matandaan nga sang gin-appoint ni Marcos si Magalong, nagsiling ini nga nagasalig siya sa integridad sang alkalde kag sa track record sini bilang imbestigador sa Philippine National Police (PNP).
Si Magalong amo anay ang hepe sang Criminal Investigation and Detection Group (CIDG) kag isa sa nangin top investigators sang Mamasapano incident sadtong 2015.#
