Nagtaas ang tingog ni Senator Loren Legarda matapos sini nabatun ang sabat sang executive branch natuhoy sa gilayun nga pag-abrubar sang senado sa suspension sang excise tax sa gatong.
Suno kay Legarda nga indi klaro ang panindugan sang administrasyon bangud sang nagmandu ang mga ini nga himuon nga “urgent” ang suspension sang excise tax, gilayun ini nga ginpasar sa Senado, apang sang naaprubahan na ini, ginsabat lamang sila sang executive branch sang “we will see”.
Ginkwestyon man ni Legarda ang pahayag sang pila ka energy officials nga nag-submit na ang mga ini sang mensahe agud nga magpangayo sang dugang nga budget para sa Philippine National Oil Company (PNOC), apang ginpahayag nila nga naka-break ang kongreso rason nga wala ini naaprubahan.
Paathag ni Legarda nga daw kaangay ginagamit ini nga rason agud nga indi gilayun masolusyunan ang isyu sa fuel tax kag nagapakita sang indi consistent nga polisa sang administrasyon.
