ILOILO CITY – Ginpalawig pa sang lima ka adlaw ang ceasefire agreement ang magkasumpunganay nga military factions sa Sudan kasunod sang panibag-o nga inaway kag air strikes sa capital.
Apisar nga wala napatuman sang maayo ang ceasefire, natigayon naman nga madala ang bulig sa ginabanta duha ka milyon ka tawo.
Ang extension ang magahatag ligwa sa dugang nga humanitarian assistance, restoration sang essential services, kag discussion sang posible longer-term extension.
Suno sa United Nations World Food Programme, sumugod sang Domingo, nakahatag na sila sang pagkaon sa Khartoum humalin sang nagsugod ang inaway.
Antes ang pagpirmahanay sang kasugtanan, gin-report sang mga residente ang inaway sa tatlo ka mga adjoining cities nga amo ang Khartoum, Omdurman kag Bahri.
Ang inaway sa tunga sang Sudanese army kag paramilitary Rapid Support Forces ang nag-umpisa sang Abril 15 nga nagpatay sa ginatos ka mga tawo kag nagpalayas sa halos 1.4 million nagikan sa ila mga balay.
