ILOILO CITY – Malapit na lamang nga ipasa sa Office of the President ang ginaduso nga Maharlika Investment Fund Act of 2023 bilang “enrolled bill”.
Ang amo nga hagna ang na-atrasar sa Senate secretariat bangud sa indi magsanto nga prescription period sang crimes provisions.
Suno kay Senator JV Ejercito, ang enrolled copy sang hagna ang mahimo na nga mapirmahan ni Senate President Juan Miguel Zubiri.
Base sa proseso sang paghimo sang layi, ang Congress-approved bill ang dapat nga pirmahan anay sang nagapungko nga House Speaker kag Senate President antes pormal nga mapasa sa Office of the President bilang “enrolled bill.”
Si Zubiri ang yara pa sa Estados Unidos kag nagatambong sang serye sang official meetings.
Suno kay Ejercito, ang status sang Maharlika bill ang gin-isol bangud nga naplantsa na sang Senate Secretariat ang mga sala kaangay sang typographical kag grammatical.
Apang indi mapat-ud ni Ejercito kun bala, kabahin sang gintadlung nga sala amo ang Sections 50 kag 51 nga may yara sang 10 tubtob 20 ka tuig nga prescription period period of crimes para sa mga magalapas sa Maharlika Act sa tion nga mangin epektibo na ini nga layi.
Hugot naman nga nagpanindugan si Senator Risa Hontiveros, nga naga-isahanon nga nagpamatuk sa Maharlika bill, nga indi kinahanglan sang gobyerno sang sovereign wealth agud nga mapa-uswag ang pungsod.
