MAASIN, ILOILO – Kritikal ang manghod matapos ginluthang sang iya kaugalingon nga magulang sa Brgy. Sta. Rita Maasin, lloilo.
Ang biktima amo si Roel Mansiba kasado kag barangay kagawad sa ila lugar samtang ang suspek naman amo si Dennis Mansiba.
Sa interview sang Bombo Radyo kay Police Major Ciriaco Esquilarga, hepe sang Maasin Municipal Police Station, iya ginpahayag nga upod nga nag inom ang mag-utod.
Diri kag ginsukmaan sang magulang ang iya magulang nga untatan na ang iya pagbabaye bangud naluoy na ini sa asawa sang suspek nga ara sa luwas sang pungsod.
Matapos sini, naimpito ang manghod kag diri na sini ginluthang ang iya magulang.
Nag angkon naman sang pilas sa abaga kag sa liog ang biktima.
Sa subong, padayon pa nga ginabulong sa ospital ang biktima.
