Pilas sa wala nga kamot kag abaga ang naangkon sang isa ka mangunguma matapos ginluthang sang kaangay man nga mangunguma sa
Barangay Rumbang, Pototan, Iloilo.
Ang biktima amo si Ornel Provido, 44, samtang ang suspek amo si Nelson Alaan, 50, lunsay residente sang nasambit nga lugar.
Sa interview sang Bombo Radyo kay Police Major Ciriaco Esquilarga, hepe sang Pototan Municipal Police Station, iya ginpahayag nga daan na nga away sa duta ang rason sang shooting incident.
Gindala sa ospital ang biktima kag padayon nga ginabulong.
Padayon naman nga ginapangita ang suspek nga ginapahayag nagpalagyo dala ang armas-luthang nga gingamit sa krimen.
