Padayon pa nga ginatun-an sang Department of Trade and Industry (DTI) ang hingyo sang manufacturers sang sardinas kag noodles nga magpasaka sang presyo.
Suno kay Trade Secretary Cristina Roque, lakip ini nga manufacturers sang basic necessities and prime commodities (BNPCs) nga nag-request sa ahensya nga magpatuman sang price hike bangud sang logistics costs.
Ginpahangop ni Roque nga kun magkadto sa dagat, nagakinahangman ang mga sakayan sang gatong, kag kun isaylo naman ang produkto sa manufacturing plant, kinahanglan gihapon ang gatong rason nga nagadaku ang ila gasto.
Nagsaka ang fuel kag logistics costs halin sang nagsugod man ang gyera sa Middle East.
Matandaan nga sa una nga anunsyo sang DTI, naka-secure sila sang commitment halin sa manufacturers sang nagapanguna nga balaklon nga indi magpasaka sang presyo apang tubtub lamang sang Mayo 10.
Ang ginatumod nga BNPCs nagalakip sang delata nga sardinas, processed milk, bread, coffee, locally-manufactured instant noodles, bottled water, laundry soap, candles, salt, canned meat, condiments kag toilet soap.
