Nagdangat sa P9.2-billion ang gin-propose sang Marcos Jr. administration nga ipain para sa confidential kag intelligence funds sa tanan nga ahensya sang gobyerno para sa 2024.
Suno kay Budget Secretary Amenah Pangandaman, P4.3-billion diri ang confidential fund kag P4.9-billion ang intel fund nga halos pareho lamang sa 2023.
Kun pahat-pahaton, ang pinakadaku amo ang nagtupa sa Office of the President nga may P4.5-billion, Department of National Defense nga may P1.7-billion, Office of the Vice President nga may P500-million, kag Department of Education sa pagpanguna gihapon ni Vice President Sara Duterte-Carpio nga may P150-million.
Ginbuyagyag ni Pangandaman ini nga figures kadungan sang turnover ceremony sa Kamara sang P5.768-trillion National Expenditure Program (NEP) para sa 2024.
Ini nga proposal ang may yara sang 9.5% nga pagsaka sangsa budget subong nga tuig.
Base sa general provisions section sang nagligad nga NEP, ang intelligence funds ang dapat ipain para sa intelligence information gathering activities sang uniformed kag military personnel, kag amo man sa intelligence practitioners nga may direct impact sa national security.
Ang confidential funds naman ang dapat naangot sa surveillance activities sa civilian government agencies nga may tuyo nga suportahan ang mandato ukon mga operasyon sang ahensya. #
