Nag-abot na sanday President Ferdinand R. Marcos Jr. kag ang delegasyon sang Pilipinas sa Brandenburg International Airport sa Berlin, Germany para sa tatlo ka adlaw nga working visit.
Suno sa Presidential Communications Office, naghugpa ang presidential plane 9:49 pm local time (4:49 am oras sa Manila).
Ang mga nag-abi-abi kanday Marcos amo sanday Philippine Ambassador to Germany Irene Susan Natividad kag pila sa personnel halin sa Philippine Embassy sa Berlin.
Marso 12-13 ang schedule sini sa Berlin samtang Marso 14-15 naman sa Czech Republic kasunod sang mga imbitasyon halin kanday German Chancellor Olaf Scholz kag Czech President Petr Pavel.
Ini na ang iya ika-24 nga byahe sa luwas sang pungsod halin sang nagpungko siya bilang presidente sang 2022.
