Ginhatagan ni President Ferdinand Marcos Jr. sang Presidential Citation ang Filipina star nga si Alex Eala bilang pagkilala sa iya makasaysayan nga mga kadalag-an sa international professional tennis.
Sa seremonya sa Malacañang kagab-i, Hulyo 13, ginkilala sang Presidente ang 21-anyos nga atleta bangud sang pagdala sini sang dungog sa Pilipinas.
Suno sa iya, ginapakita ni Eala ang labing maayo nga mga kinaiya sang Pilipino paagi sa iya talento, pagkamapainubuson kag dedikasyon sa sports.
“Whenever we have these programs here, I always begin by saying, ‘It is my pleasure to receive you.’ Sometimes it’s the polite thing to do. When I say that tonight, that’s not polite — I’m really, really so happy to have you here. You cannot imagine,” suno kay Marcos.
“This is one of those occasions where I say to myself, ’It’s good to be president.’ I’m meeting our champion. That’s not just me, it’s everybody else,” dugang sini.
Gindayaw man ni Marcos ang makasaysayan nga kampanya ni Eala sa 2026 Wimbledon Championships, kun sa diin nangin una ini nga Pilipino nga nakalab-ot sa Round of 16 sang isa ka Grand Slam singles tournament matapos mapierde ang anay world number one kag defending champion nga si Iga Swiatek.
Ginpasalamatan man sang Presidente si Eala bangud padayon niya nga ginapasidunggan ang Pilipinas bisan nagataas ang iya ranggo sa world tennis. Suno kay Marcos, ang determinasyon kag disiplina sang atleta amo gia ang rason sang iya padayon nga kadalag-an.
“You have brought such pride to the Philippines, to the Filipinos, not only because of your success, but also because of the grace with which you handle that success. Because the way you play and the way you comport yourself makes us proud. Because you show the greatest, best qualities of Filipinos. You remind us why we are a great race,” dugang sang presidente.
Sa pihak nga bahin, nagpasalamat si Eala sa padayon nga suporta sang mga Pilipino.
Suno sa iya, ang pagpalangga sang mga kaangay sini nga mga Pinoy ang nagahatag sa iya sang inspirasyon sa tagsa ka tournament, kag padayon niya nga ginadala ang hayahay sang Pilipinas bisan diin siya maghampang.
“I cannot begin to describe how overjoyed I am to see how my progress has been received by the Filipino people. It warms my heart because I know that it comes from a profound and shared love for our nation,” suno kay Eala.
“I carry the flag with me wherever I go, and I am a firm believer that where you come from is a big part of who you are,” dugang sini.
