Nagpasalig si President Ferdinand Marcos Jr. nga padayunon sang iya nga administrasyon ang pag-invest para sa modernisasyon sang sektor sang agrikultura kag mas padamuon ang sarang ma-export nga mga produkto.
Sa 70th founding anniversary sang Federation of Free Farmers, ginpahayag ni Marcos nga nagapabilin nga committed ang gobyerno sa pagpa-umwad sang produksyon sa agrikultura kag buhinan na ang pagsalig sa importasyon.
Photo: RTVM Malacañang
Sa iya speech, ginplastar ni Marcos nga nakit-an sang iya administrasyon kun ngaa dapat madasig gid ang pag-tubo sang sektor sang pagpangisda kag pagpanguma.
“Huwag nating kakalimutan na dapat naman na ang hanapbuhay ng ating mga magsasaka at ating mga mangingisda ay mapangalagaan at mapaganda dahil ‘yan ang hangarin nating lahat sa ating mga magsasaka at ating mangingisda,” pahayag ni Marcos nga amo man ang tiglikom sang Department of Agriculture.
Nagatutok ang gobyero suno sa iya sa pagpataas sang exportation sang agricultural products nga nakit-an nga essential driver sa competitiveness sang ekonomiya sang pungsod.
Lakip sa agricultural products nga gina-export sang Pilipinas amo ang mga mani kag prutas, panit sang citrus fruit melons, animal ukon vegetable fats kag oils, tobacco kag manufactured tobacco substitutes.
Sang Hunyo, matandaan nga gin-aprubahan man ni Marcos ang Philippine Export Development Plan nga naga-cover sang 2023 tubtub sa 2028 agud mahimo ang Pilipinas nga major player sa world market. #
