ILOILO – Asymptomatic ang halos tanan nga Coronavirus patients sa banwa sang Banate, Iloilo.
Sa interview sang Bombo Radyo kay Banate Mayor Carlos Cabangal, iya ginpahayag nga gin-facility quarantine ang 51 tanan ka mga infected mga pasyente para sa close monitoring sang ila kondisyon.
Kalabanan sang mga pasyente ang naghalin sa merkado suno sa alkalde.
Ini bangud ginapangayawan gid ang merkado sang Banate kag madali maglapta ang virus suno sa iya.
Suno kay Cabangal, gin-home quarantine naman ang mga pamilya sang mga COVID-19 patients kag ginabantayan naman sang Barangay Health Emergency Response Teams.
Matandaan nga ang gintumod nga index cases amo ang duha ka fish vendors nga nagpositibo sa virus sang Pebrero 16.
