Naglapaw sa 600 ang na-rekord nga kaso sang firecracker-related injuries sa Pilipinas sa pagtakop sang surveillance sang Department of Health (DOH).
Ini nga 609 nga tally sa tinalikdan nga holiday season amo ang pinakamataas nga na-rekord halin sang nalista ang 633 sang nagligad nga 2017.
Pahayag pa sang ahensya, 96% sang mga injuries ang natabo sa balay kag sa mga dalanon kun sa diin lalaki ang kalabanan nga involved.
Walo ka tuig ang pinakabata nga edad samtang 55-anyos naman ang pinakatigulang nga biktima.
Masobra katunga sang mga kaso ang naghalin sa Metro Manila samtang apat naman sa 10 ka mga kaso ang tuga sang illegal fireworks.
Suno pa sa ahensya, gina-validate pa subong ang mga kaso sang stray bullet injuries kag posible nga magsaka pa ang numero base man sa rekord sang Philippine National Police (PNP). # (Photo: AFP / Jam Sta. Rosa)
