ILOILO CITY – Tinguhaan ni outgoing Iloilo City Mayor Jose Espinosa IIII nga hatagan sang ayuda ang tanan nga mga nabiktima sang sunog sa Syudad sang Iloilo.
Sa interview sang Bombo Radyo kay Espinosa, iya ginpahayag nga wala ini makahatag sang ayuda sa mga nasunugan sadto bangud sa election banning.
Suno kay Espinosa, hingagawon sini nga mahatagan sang ayuda ang mga nasunugan sa sulod sang tatlo tubtub apat ka adlaw.
Dugang pa sang alkalde, kuntani wala na lang gin-ulamid sa election banning ang pagpanagtag sang cash assistance sa mga nasunugan bangud emerhensya ini.
Nahibaluan nga P10,000 ang mabaton sang mga tag-iya sang naupos nga balay ukon totally damaged samtang P7,000 naman ang mga partially damaged.
