ILOILO CITY- Napirmahan na ni Iloilo City Mayor Jerry Treñas ang P5,000 nga gratuity pay para sa mga job hires kag contracts of service sang Iloilo City Government.
Sa interview sang Bombo Radyo kay Mayor Trenas, ang makabaton sini nga gratuity pay ang para sa mga empleyado nga naka-serbisyo sang indi magnubo sa apat ka bulan kag may actual satisfactory performance tubtob Disyembre 15.
Suno kay Trenas, may yara na sang P27 million para sa masobra 4,000 ka mga
jobhires kag casual employees.
Pahayag sang alkalde,nagpagwa na ini sang notice of special session para sa Disyembre 29 agud nga mapaaprubahan sa Iloilo City Council ang paghatag sang gratuity pay.
Nahibaluan nga sandig sa Administrative Order No. 3 nga ginpirmahan ni Presidente Ferdinand Marcos, Jr., ang tanan nga job order kag contract of service sa gobyerno ang makabaton sang one-time gratuity pay nga indi maglapaw sa P5,000.
