Plano nga mag-deploy sang civilian drivers ang Iloilo City Government para sa mga kapulisan sang Iloilo City Police Office (ICPO).
Ini bangud, suno kay Iloilo City Mayor Raisa Treñas, madamo na nga salakyan ang gin-panghatag ang City government apang ginakulang naman ang ICPO sang drivers.
Kabahin sang offer sang alkalde amo ang pagpaidalom sa training sa Technical Institute of Iloilo City (TIIC) ang mga police personnel nga indi pa kabaho nga magmaneho.
Pahayag ni Mayor Treñas, ini agud nga makatrabaho kag matutokan gid sang mga kapulisan ang ila iban pa nga mga responsibilidad.
Ginpahayag man sang alkalde nga ang ini nga nga offer nga napalab-ot kag na-esturya na niya direkta kay Police Regional Office 6 (PRO-6) Director Police Brigadier General Randulf Tuaño.
Dugang pa niya, ang ini nga rekomendasyon ang kabahin sang commintment kag supporta sang city government sa ahensya sang Philippine National Police (PNP).
