Gin-athag sang Commission on Elections (Comelec) nga pwede gihapon maka-boto sa May 9 national and local elections ang mga botante nga ma-infect sang COVID-19 amo man ang mga botante nga sala ang spelling sang pangalan.
Suno kay Comelec Commissioner George Garcia, pwede gid makaboto ang COVID-19 patients basta pahanugutan lang nga makaguwa sa isolation facility.
“Puwede po basta sila ay papayagang makalabas doon sa kung sila ay naka-isolate lalong-lalo na kung sila ay nasa isang isolation facility… Of course, hindi namin po, wala po kaming guidelines kung saan ang balota ay dadalhin mismo sa isolation facilities,” suno kay Garcia.
Gin-athag man sini nga wala sang policy ang poll body nga dumilian nga makaboto ang Covid-19 patients nga naga-isolate sa ila nga mga puluy-an.
“Also possible po na yung mismong kababayan natin na maaaring may COVID-19 ay nasa kanilang bahay-bahay ay doon na lang sila naka-isolate kapag ho ganun, kahit po may COVID, wala naman po sa aming patakaran na hindi sila pabobotohin,” suno pa sa commissioner.
Sa mga botante naman nga may sintomas sang Covid-19, ginapanugyan ang pagsuksok sang face mask kag face shield, kag limitahan ang pagpakig-upod sa iban nga mga tawo sa election day.
Kun ang Department of Health (DOH) naman ang pahambalon, gina-abisuhan sini ang mga botante nga may Covid-19 symptoms nga indi na maghalin sa ila tagsa ka mga balay.
WRONG SPELLING SANG PANGALAN
Ang mga botante naman nga may yara sang sala sang spelling sang palangan sa online precinct finders, pwede gihapon nga makaboto sa May 9 polls.
Gina-abisuhan ni Garcia ang tanan nga voters nga may amo sini nga concern nga mag-report gilayon sa information and technology department sang Comelec paagi sa ila nga website. ##
