Mga LSIs nga naga-abot via Caticlan Port, wala gina-hold sa Aglalana, Passi City sa baylo ini ang drop off point agud sila ang masugat sang tagsa ka mga LGU

PASSI CITY – Ginkasugtan sang Iloilo Provincial Health Office kag ni Iloilo Gov. Arthur Defensor Jr. nga gamiton ang gym sang Barangay Aglalana, Passi City bilang drop off point sang mga Locally Stranded Individuals.

Sa interview sang Bombo Radyo kay Jenic Fernandez sang Passi City Disaster Risk Reduction and Management Office (CDRRMO), iya ginpahayag nga sakay sa bus ang mga Locally Stranded Individuals kag sila ang ginasugat sang tagsa ka mga Local Government Unit.

Suno kay Fernandez, ang mga may yara na sang sugat amo ang una nga magapanaog sa bus.

Humalin sang Hunyo 25 tubtob Hunyo 27, duha ka bus kada adlaw ang nagabyahe sakay ang 14 tubtob 16 nga LSIs ang ginadul-ong sa Aglalana, Passi halin sa Caticlan Port.

Dugang pa sang natungdan, wala sang naga ginutok kag manami ang pagplastar sa mga Locally Stranded Individuals nga naga-abot sa nasambit nga barangay.