Ginkondenar sang Senate minority ukon Solid Bloc 11 (SB 11) ang pag-boycott sang majority bloc sa session sang Senado kahapon, Hunyo 1.
Suno sa minorya, wala lang sang bisan “courtesy” ukon “basic decency” ang majority sa pagpahibalo nga wala sila sang intensyon nga mag-convene sini nga hapon.
Sa joint statement sang minority senators, ginpahayag nga ini ang una nga tion sa sulod sang dinekada nga wala nag-obra ang Senado bangud wala nag-abot ang presiding officer.
Bisan sa tion nga may bagyo kag may pandemya suno sa minority, gin-suspend lamang ang trabaho bangud sang “necessity” ukon bangud kinahanglan pa i-set up ang sistema, apang indi bangud nagpili ang liderato nga mag-boycott.
“This is a boycott because of the arrest of Senator Jinggoy Estrada, and the public should not be asked to believe another convenient line from a leadership that has repeatedly twisted the truth,” suno pa sa joint statement sang minority.
“Sa totoo lang, ang gusto nila ay kampihan, hindi prinsipyo. Gusto nila sumama kami sa boycott, patahimikin ang Senado at gamitin ang minority para manatili ang Senate President sa puwesto habang iniiwasan ang tunay na test of numbers sa floor,” dugang pa nila.
Bangud sang amo nga hitabo subong nga adlaw, wala man sang sesyon gani nga wala man sang may na-obra ang mga senador sa masunod nga mga hagna:
- Magna Carta of Barangay Health Workers
- Anti-Hospital Detention Bill
- Confirmation of generals before the Commission on Appointments
- Bills granting Philippine citizenship to athletes Bennie Boatwright III and Matthew James Ramos
Ginbilin man sang minority ang pamangkot kun ano naman ayhan ang himuon sang majority sa masunod nga duha ka session days.
“The question now is just as serious: will they do this again for the next two session days, and will they keep the Senate idle simply to avoid facing the numbers on the floor?,” kabahin pa sang joint statement.
Matandaan nga sang Mayo 26, nag-walk out ang minority sang manugtapos na ang sesyon sang Senado matapos nga ginduso ni Senate President Alan Peter Cayetano nga botohan ang objection sang minorya sa mosyon ni Senator Rodante Marcoleta.
Ang amo nga mosyon nagaduso nga tugutan ang online participation sa Senate proceedings. Sang nagbiya na ang minorya, gin-move ni Minority Leader Tito Sotto nga i-adjourn ang session bangud wala na sang quorum.
Matapos nga naaresto si Estrada kag nagpalagyo naman si Senator Bato dela Rosa, patas na subong sa 11 ang numero sang majority kag minority sa upper chamber.#
 ang pag-boycott sang majority bloc sa session sang Senado kahapon, Hunyo 1.){kind=link}