Iduso ni Senator Erwin Tulfo ang hagna nga magapatuman sang “no work, no pay” policy para sa mataas nga mga opisyal sang pungsod.
Suno kay Tulfo, ma-cover sang iya proposed bill ang president, vice president, mga senador, mga kongresista, iban pa nga elected officials, Cabinet secretaries, kag department heads.
Pahayag sang senador, dapat nga wala sang batunon nga sweldo kun wala man sila naga-report sa trabaho nga wala sang maathag nga rason.
Suno sa iya: “Nakasanayan na at walang sumisita kahit na absent pero sumasahod. Dahil high ranking official, sino ang maninita sa amin, di ba?”
Dugang sini, iduso man niya nga ipa-untat ang allowance sang mga opisyal nga naga-absent nga wala sang proper leave.
Makahuluya suno sa iya nga wala gani ginabayaran ang mga staff kag ordinaryo lang nga mga empleyado kun maga-absent sila nga wala sang pahibalo, apang may mga matag-as nga opisyal nga nagabaton gihapon sang sweldo apisar nga absent sila sang sinemana na ukon binulan.
“Dapat pantay-pantay–ordinary employee o high ranking man, no work, no pay ang lahat,” suno kay Tulfo.
Gindayaw man sini si Senator Jinggoy Estrada nga nag-request nga untaton ang paghatag sa iya sang sweldo matapos nga gin-aresto siya sang nagligad nga Hunyo 1 bangud sa kaso nga plunder.
“Saludo naman ako kay Senador Jinggoy na bagama’t hindi pa naman convicted, pero dahil hindi na siya makakapasok sa Senado, nagkusa na siya, nagsabi na wag na siyanf paswelduhin. ‘Yon ang tama,” pahayag pa ni Tulfo.
Matandaan nga sang nangindulaan si Senator Bato dela Rosa umpisa sang Nobyembre 2025, madamo ang naga-kwestyon sang iya padayon nga pagbaton sang sweldo bisan nga wala man siya nagasipot sa mga sesyon sang upper chamber. Nagbalik siya sang Mayo apang nagpalagyo liwat bangud sang warrant of arrest halin sa International Criminal Court.
