Ginalauman sang Department of the Interior and Local Government nga magabukas sang madamo nga misteryo sa flood control scandal ang pagka-aresto kay anay Ako Bicol Representative Zaldy Co.
Suno kay Interior Secretary Jonvic Remulla, ang pagkadakop sa anay kongresista ang kabahin sang lapnagon nga imbestigasyon sa mga iregularidad sa mga proyekto sa idalom sang flood control scheme.
Suno pa sa iya, ini na ang umpisa nga makumpleto ang parte sang kamatuoran angot sa nasambit nga topiko kag dalayon na nga mahibaluan ang mga dalagko nga tawo sa likod sa sini nga mga anomaliya.
Samtang, nagpaandam naman ang tiglikom sa iban pa nga mga indibidwal nga may kahilabtanan sa mga anomaliya.
Suno sa iya, indi maprotektahan sang ila nga kwarta ang ila pagpalagyo sa gobyerno ilabi na nga pursigido ang awtoridad sang pungsod nga arestuhon ang mga ini.
