Indi pagpalampason sang Department of Trade and Industry (DTI) ang mga manugbaligya nga nagalapas sa suggested retail prices (SRP) ukon ang mga nga nagapataka lang sa pagpasaka sang presyo sa ila nga baligya nga produkto.
Suno kay Trade Secretary Ramon Lopez, sa ila nga latest report, nagdangat na sa 1,070 ka letters of inquiry ang ila napadala sa mga violators sa SRP sang DTI kag sang Department of Agriculture (DA).
Ginhingyo ang mga manugbaligya nga ipaathag kun ngaa nakalab-ot sila sa mas mataas nga presyo.
Sa presyo sang karne sang baboy, ginapahayag nga naglab-ot sa P380 tubtob P400 ang kilo sa mga merkado sa Metro Manila– mas mataas sa SRP nga P225.
P70 per kilo ang SRP sa manok apang may yara man sang ginapahayag nga nagabaligya sang P200 per kilo.
Nahibaluan nga ang ginatudlo nga rason sa pagtaas sang presyo sa agricultural products amo ang manubo nga suplay sa pungsod tuga sang African swine flu kag bangud man sa epekto sang paglaslas sang asud-asud nga mga bagyo sang katapusan nga bahin sang 2020.
Suno naman kay Lopez, padayunon nila ang inspection indi lamang sa mga manugbaligya kundi pati na sa distributors, retailers, kag iban pa nga middlemen sa trading.
