Nagpangaluyag si President Ferdinand “Bongbong” Marcos Jr. sa mga negosyante sa Lao PDR agud nga mag-invest man sila sa Pilipinas.
Sa ginpatigayon nga ASEAN Business and Investment Summit, gintawag ni Marcos ang Pilipinas nga “ideal hub for smart and sustainable manufacturing.”
Ginpadayaw man sini nga ginaduso sang Pilipinas ang agresibo nga development sa nagkalain-lain nga mga sektor lakip na sa imprastraktura, manufacturing, agrikultura, kag digital connectivity. Partikular sini nga gintumod nga target sang Pilipinas ang industriya sang green metals, battery manufacturing, energy equipment, data centers, kag agribusiness.
“So, let me put on my salesman’s hat and invite you to explore the investment opportunities we offer. We are targeting industries like green metals, battery manufacturing, energy equipment, data centers, and agribusiness,” pahayag ni Marcos sa iya keynote speech.
Dugang sini, “So, let us be the architects of an interconnected, integrated, and progressive ASEAN. Let us build bridges that transcend borders, shaping a future where every member of the ASEAN family has a path to success.”
Bisan madamo ang nagasiling nga palpak ang distribusyon sang National ID cards, ginpadayaw man ini ni Marcos sa amo nga ASEAN summit.
Ginpahayag sini nga ang digital ID amo ang nagatugot sa rehistrado nga mga Pilipinas nga mas mahapusan sa access sa financial, social protection, health, education, kag iban pa nga government services.
Ginplastar ini ni Marcos sang gina-istorya sini ang pagkinahanglan sa pag-empower sa 1.5-million workers nga makasulod sa global gig economy kag dapat nga hatagan sila sang nagakaigu nga ikasarang para nga maka-adoptar man sa digital age.
“We are also implementing and distributing now our digital National ID, which allows registered citizens easier access to financial, social protection, health, education, and other government services,” kabahin pa sang iya nga speech. #
