Nagpaandam ang Partido Demokratiko Pilipino–Lakas ng Bayan (PDP Laban) batok sa mga magasuporta sa impeachment case ni Vice President Sara Duterte.
Suno sa partido, indi nila pagbatunon sa ila partido ang mga kongresista nga magaboto pabor sa impeachment sang bise presidente.
I-blacklist man nila ini nga mga opisyal kag indi sila pagatugutan nga magdalagan sa idalom sang PDP Laban sa masunod nga eleksyon. Posible man nga magbutang sila sang kontra nga kandidato batok sa ila.
“Those who vote for the impeachment of Vice President Sara Duterte cannot expect political refuge in PDP,” suno sa statement sang partido. “They will not be allowed to cross over to the party. They will be blacklisted from running under the PDP banner. And where necessary, PDP will field and support a competitive candidate in their district.”
Ang PDP Laban ang ginapangunahan subong ni Davao City Mayor Sebastian “Baste” Duterte nga manghod sang bise presidente.
Pahayag pa sang party, indi ini pagpamahog kundi kabahin sang ila ginatawag nga “political accountability” may kaangtanan sa ginakilala nila nga politically driven nga impeachment batok kay Sara Duterte.
Lakip sa mga akusasyon sa vice president amo ang ginapahayag nga sala nga paggamit sang ₱612.5 milyon nga confidential funds, mga pagpamahog batok kay Presidente Ferdinand Marcos Jr., First Lady Liza Araneta-Marcos, anay House Speaker Martin Romualdez, kag amo man ang unexplained wealth.
Subong nga adlaw, Mayo 11, natalana nga magboto ang Kamara kun ipasaka ang Articles of Impeachment sa Senado para sa trial.#
