Nagpanugyan ang isa ka infectious disease expert nga dapat nga magpreparar na ang healthcare facilities sa Pilipinas pananglitan nga makasulod sa pungsod ang Marburg virus, isa ka ginakabig subong nga highly infectious disease nga kaangay man sa Ebola.
Sa Laging Handa briefing kahapon nga adlaw, Hulyo 20, ginpaathag ni Dr. Rontgene Solante nga dapat ipatuman sang gobyerno ang kaangay man sang mga policy nga ginhimo sini sang kasagsagan sang Ebola scare sang 2016.
Kun basehan ang pahayag sang World Health Organization (WHO), una nga natukiban ang Marburg virus sang 1967 kag ginasiling nga clinically similar sa Ebola virus. Pareho sila nga ‘rare’ kag posible nga magtuga sang outbreaks” kag posible man nga mataas ang numero sang mga mapatay.
Suno pa sa WHO, magalaton ang Marburg virus paagi sa fruit bats kag pwede nga maglapta paagi sa human-to-human transmission.
Sa Ghana, duha na ang kumpirmado nga kaso sini nga balatian. Pareho man nga patay ang mga pasyente.
